Գնում է` թալիբների հախից գա

Բրիտանական ռազմական հրամանատարությունը մի քանի ամսից թագավորության կրտսեր արքայազնին` Հարրիին, ծառայության է ուղարկելու Աֆղանստան` որպես «Ապաչ» ուղղաթիռի ռազմական օդաչու. տեղեկացնում է Telegraph-ը:

Դեռեւս 2008-ին արեւմտյան ԶԼՄ-ներում տեղեկություններ հայտնվեցին, որ լեյտենանտ Հարրի Վինձորը ծառայում է աֆղանական Գիլմենդ նահանգում: Անվտանգության նկատառումներով արքայազնին Մեծ Բրիտանիա վերադարձրին. ռազմական հրամանատարությունը մտավախություն ուներ, որ Հարրին եւ նրա հետ ծառայողները թալիբների թիրախ կդառնան: Արքայազնը առաջնային գծում անցկացրեց ընդամենը 10 շաբաթ եւ արժանացավ հրամանատարության գովասանքին:

Ըստ թերթի` Հարրին բազմիցս ցանկություն է հայտնել ծառայության վերադառնալ Աֆղանստան: