Թբիլիսիում օծվել է հայկական եկեղեցի

Ամենայն Հայոց կաթողիկոս Գարեգին Բ-ն այսօր օծել է Թբիլիսիի Հավլաբար թաղամասում գտնվող Սուրբ Էջմիածին եկեղեցին:

Օծումից անմիջապես հետո Վեհափառը եւ նրան ուղեկցող պատվիրակության անդամները մասնակցել են «Հայարտուն» կենտրոնի բացման արարողությանը, որը գտնվում է եկեղեցու բակում:

Ամենայն Հայոց կաթողիկոս Գարեգին Բ-ի հովվապետական այցը Վրաստանում շարունակվում է:

Վաղը կմեկնարկի Վեհափառի եռօրյա ուղեւորությունը Ջավախք:

Թբիլիսիից «Երկիր»-ին հայտնեցին, որ հայ եւ վրաց եկեղեցու ներկայացուցիչների հետ դժվարին բանակցություններ են ընթանում եւ սկզբունքային հարցերի շուրջ որեւէ լուրջ առաջընթաց ներկա պահին չի արձանագրվել:

Լուսանկարը` Գալուստ ՆԱՆՅԱՆԻ