Թուրքիայում կհաղթի Էրդողանի կուսակցությունը

Հունիսի 12-ին Թուրքիայում կայանալիք խորհրդարանական ընտրություններում ակնհայտ առավելությամբ կհաղթի իշխող «Արդարություն եւ զարգացում» կուսակցությունը. այսօր լրագրողների հետ հանդիպման ժամանակ կարծիք հայտնեց ՀՀ գիտությունների ազգային ակադեմիայի արեւելագիտության ինստիտուտի տնօրեն Ռուբեն Սաֆրաստյանը:

Նա հետաքրքիր միտում է նկատում: «Արեւմտյան որոշակի ուժեր դժգոհություն են հայտնում, որ այդպիսի մեծ առավելությամբ հաղթելու է կառավարող կուսակցությունը` Էրդողանի կուսակցությունը»,- ասաց նա:

Թուրքագետն այս ամենը պայմանավորում է այն հանգամանքով, որ Թուրքիայի արտաքին քաղաքականությունը դարձել է Արեւմուտքի համար անկանխատեսելի եւ ձեռք է բերել հակաամերիկյան եւ հակաիսրայելական միտումներ:

Ռուբեն Սաֆրաստյանը հիշեցրեց, որ The Economist-ն անգամ իր հրապարակումներից մեկում դիմել էր Թուրքիայի քաղաքացիներին` բացահայտորեն կոչ անելով դեմ քվեարկել Էրդողանի կուսակցությանը: