Աղիքային ինֆեկցիայի պատճառը խմելու ջուրն է

Այս տարվա հունիսի 3-ին եւ 4-ին «աղիքային ինֆեկցիա» ախտորոշմամբ Նորքի ինֆեկցիոն հիվանդանոց են տեղափոխվել Երեւանի Նուբարաշեն 11 փողոցի 25 բնակիչներ:

Երևանի Էրեբունի-Նուբարաշեն վարչական շրջանների դատախազի ցուցումով, Նորքի ինֆեկցիոն հիվանդանոցից ստացված ահազանգի հիման վրա ՀՀ ոստիկանության գլխավոր քննչական վարչության Էրեբունու քննչական բաժնում հարուցված քրեական գործով պարզվել է, որ աղիքային ինֆեկցիայի պատճառ է դարձել խմելու ջուրը:

Նշանակվել է ջրի փորձանմուշների սանիտարահիգիենիկ փորձաքննություն: Հիվանդանոց դիմած 54 քաղաքացիները ենթարկվելու են դատաբժշկական փորձաքննություններ, ներգրավվել են համապատասխան մասնագետներ, հարցաքննվել է 44 մարդ: Նախաքննությունը շարունակվում է. տեղեկացնում է ՀՀ գլխավոր դատախազության հանրային կապերի վարչությունը: