ԵԱՀԿ ՄԽ համանախագահները ժամանում են Բաքու

ԵԱՀԿ Մինսկի խմբի ռուսաստանցի համանախագահ Իգոր Պոպովը երեկ ժամանել է Ադրբեջան: Մյուս համանախագահները` Ռոբերտ Բրադկեն (ԱՄՆ) եւ Բեռնար Ֆասիեն (Ֆրանսիա) նույնպես ժամանելու են Բաքու. տեղեկացնում է 1news.az-ը:

Նախատեսված է նրանց հանդիպումը Ադրբեջանի նախագահ Իլհամ Ալիեւի հետ: Կքննարկվեն Ղարաբաղյան հակամարտության խաղաղ կարգավորման բանակցությունների հեռանկարները, նաեւ Կազանում Ռուսաստանի նախագահ Դմիտրի Մեդվեդեւի միջնորդությամբ Հայաստանի նախագահ Սերժ Սարգսյանի հետ կայանալիք հանդիպման նախապատրաստական աշխատանքները:

 Ի դեպ, վաղը` հունիսի 7-ին, ԵԱՀԿ առաքելությունը հերթական դիտարկումն է իրականացնելու ԼՂՀ եւ Ադրբեջանի զինված ուժերի շփման գծում: