Հայտնի են հունիսի 1-ի քննության արդյունքները

Այսօր Գնահատման և թեստավորման կենտրոնը հրապարակել է հունիսի 1-ին «Քիմիա» եւ «Ռուսաց լեզու» առարկաներից անցկացված  միասնական քննությունների արդյունքները:

Ինչպես տեղեկացանք ԳԹԿ մամուլի ծառայությունից, քիմիայից քննություն է հանձնել 69 դիմորդ: Ամենաբարձր միավորը եղել է 19.5 (1 դիմորդ), միջինը` 9.96, 17.5-20 միավոր հավաքել է մասնակիցների 4.3 %-ը, 7.5-13.25 միավոր` մասնակիցների 62.3 %-ը: Դրական միավորի շեմը չի հաղթահարել 16 մասնակից:

«Ռուսաց լեզու» առարկայից ամենաբարձր միավորը եղել է 19.5, միջինը` 10.53, 17.5-20 միավոր հավաքել է մասնակիցների 4.2 %-ը, 7.5-13.25` 57.7%-ը: Դրական գնահատական չի ստացել 71 մասնակիցներից 15-ը: