Ռուսաստանը բանագնաց է ուղարկում Բենգազի

Ռուսաստանի նախագահի հատուկ ներկայացուցիչ Միխայիլ Մարգելովը հայտարարել է, որ հունիսի 6-ին մտադիր է մեկնել Բենգազի եւ հանդիպել լիբիական ընդդիմության ղեկավարության հետ:

Մեկնաբանելով Լիբիայում ստեղծված իրավիճակը` նա նշել է, որ Ռուսաստանի նախագահը վճռականորեն հանդես է գալիս ի պաշտպանություն Լիբիայի ինքնիշխանության, անկախության եւ տարածքային ամբողջականության. «Միացյալ ժողովրդավարական Լիբիան հարկավոր է արաբական աշխարհին, Աֆրիկային, ամբողջ միջազգային հանրությանը»:

Մարգելովը համոզմունք է հայտնել, որ իրենց խնդիրները, իրենց ապագայի հարցը լիբիացիները կարող են ինքնուրույն լուծել:

Նա նաեւ հավելել է, որ ձգձգվող ռազմական հակամարտությունը վատացրել է հումանիտար իրադրությունը ոչ միայն Լիբիայում, այլեւ հարեւան պետություններում, որոնք ընդունում են լիբիացի փախստականներին: «Այդ ամենը սպառնում է ապակայունացնել իրադրությունը տարածաշրջանում»,- հայտարարել է Մարգելովը: