ԱՌԱՎՈՏ. Թերթերը կհաղթեն եվրոպական դատարանում

Մարդու իրավունքների եվրոպական դատարանի վճիռների համաձայն` քաղաքական գործիչները պետք է առավել հանդուրժող վերաբերմունք ունենան մամուլի քննադատության նկատմամբ, եւ լրագրողական ազատությունը լրագրողին թույլ է տալիս դիմել նաեւ որոշակի չափազանցության ու սադրանքների: Այս նախադեպերը հաշվի առնելով` «Ֆորում» իրավունքի կենտրոնի ղեկավար Տիգրան Տեր-Եսայանից, որը մի շարք գործերով ՄԻԵԴ-ում ներկայացուցիչ է, «Առավոտը» հետաքրքրվեց` եթե Հայաստանի տպագիր ԶԼՄ-ների դեմ գործերը հասնեն Ստրասբուրգ, մեր թերթերն այնտեղ կհաղթե՞ն:

«Միանշանակ,- պատասխանեց նա:- Վստահ եմ, որ եվրոպական դատարանն այս գործերում կտեսնի Մարդու իրավունքների եվրոպական կոնվենցիայի մի շարք հոդվածներով իրավունքի խախտումներ»: