Սկանդալ ՖԻՖԱ-ի կոնգրեսում

Յոզեֆ Բլատտերը Ցյուրիխի կոնգրեսում վերընտրվել է ՖԻՖԱ-ի նախագահի պաշտոնում, որն էլ նշանավորվեց հերթական սկանդալով:

Նիստին թույլ չեն տվել մասնակցել Բլատտերի միակ հակառակորդին` Մուհամեդ բեն Համմամին, որն իր թեկնածությունը հանել էր վերջերս տեղի ունեցած կոռուպցիոն սկանդալի հետևանքով` կապված ֆեդերացիաներից մեկին կաշառելու հետ:

Համմամն ապշել է , որ իրեն ներս չեն թողնում, եւ ասել. «Ինձ պատժեցին մեղավոր ճանաչելուց առաջ»:

Ի դեպ, նիստերի դահլիճի մատույցներում կոնգրեսի անդամներին սպասել են  անգլիական The Sun-ի` «դոլար» հագած ֆոտոմոդելները, որոնք ՖԻՖԱ-ի ներկայացուցիչներին ծրարով «կաշառք» են առաջարկել:

Անգլիական ֆեդերացիան` FA-ն, առաջարկել է հետաձգել ընտրությունները, սակայն առաջարկը չի ընդունվելց 17 կողմ և 172 դեմ ձայներով: Իր հերթին, Բլատտերը հայտարարել է, որ ՖԻՖԱ-ի նավը պետք է ճիշտ ուղղություն վերցնի:

Հետաքրքիր է` իսկ մինչ այդ ո՞վ էր ուղղություն տվողը: Եվս մեկ անգամ վերընտրվելու շեմին է միայն ՖԻՖԱ-ի գործող նախագահը հասկացել իր գործի բնույթը: