Մեսսին պարզաբանել է

Այսօր Լեոնել Մեսսին Արգենտինա է ժամանել, որտեղ ազգային թիմի կազմում կնախապատրաստվի Ամերիկայի գավաթի խաղարկությանը: 

Արգենտինացին երրորդ անգամ հաղթեց Չեմպիոնների լիգայում, բայց հիմա նրա մտքերն ամբողջովին կապված են ազգային հավաքականի հետ: Լրագրողի այն հարցին, թե կլքի՞ «Բարսելոնան», Մեսսին պատասխանել է. «Ես ինձ այլ ակումբում չեմ պատկերացնում»:

Վերջերս Մեսսիի ու Տևեսի կոնֆլիկտի մասին մամուլում շրջանառվող տեղեկատվությանն ի պատասխան, Լեոն ասել է. «Կառլոսն արդեն ասել է, որ ոչ մի նման բան չկա: Բոլորը պնդում են, որ ես խնդիրներ ունեմ Տևեսի, Ռիկելմեի և Մարադոնայի հետ: Այդ ամենը չի համապատասխանում իրականությանը, ես այդ մասին այլևս չեմ ուզում խոսել: «Բարսելոնայի» հետ ես արդեն հաղթել եմ, հիմա ուզում եմ հաջողության հասնել նաև հավաքականի հետ»: