Համաներմամբ արդեն ազատ է արձակվել 328 դատապարտյալ

Հայաստանի արդարադատության նախարարության քրեակատարողական ծառայությունում այս տարվա մայիսի 27-ից սկսվել է համաներմամբ դատապարտյալներին ազատ արձակելու, ինչպես նաև պատժաչափի կրճատման գործընթացը:

Մայիսի 31-ին` ժամը 19:00-ի դրությամբ, քրեակատարողական հիմնարկներից ազատ է արձակվել 328 դատապարտյալ. տեղեկացնում է քրեակատարողական վարչության հասարակայնության հետ կապերի բաժանմունքը:

Համաներմամբ ազատ արձակված դատապարտյալների թիվը ներկայացվում է ըստ քրեակատարողական հիմնարկների` «Նուբարաշեն»` 29, «Էրեբունի»` 78, «Վարդաշեն»` 30, «Դատապարտյալների հիվանդանոց»` 23, «Երևան Կենտրոն»` 0 (ազատ արձակման ենթակա դատապարտյալներ չկան), «Արթիկ»` 35, «Վանաձոր»` 14, «Սևան»` 40, «Հրազդան»` 17, «Աբովյան»` 1, «Գորիս»` 11, «Կոշ»` 50:

Գործընթացը շարունակվում է: