Գայթակղիչ կիսաշրջազգեստը փոխարինվեց տաբատով

Նյույորքյան Sofitel հյուրանոցի աշխատակցուհիներին թույլատրել են համազգեստի կիսաշրջազգեստը փոխարինել տաբատով. տեղեկացնում է New York Post-ը:

Արժույթի միջազգային հիմնադրամի նախկին ղեկավար Դոմինիկ Սթրոս-Կանի հետ կապված սկանդալից հետո մի շարք հասարակական եւ կանանց կազմակերպություններ, նաեւ հյուրանոցի աշխատակցուհիները հանդես եկան քննադատությամբ, որ սպասուհիների կիսաշրջազգեստները չափազանց գայթակղիչ են եւ կարող են ոտնձգությունների սադրել այցելուներին:

Ներկայումս հյուրանոցի ղեկավարությունը քննարկում է նաեւ իր աշխատակցուհիներին հատուկ սարքերով «զինելու» հարցը, որոնց միջոցով նրանք անհրաժեշտության դեպքում կկարողանան տագնապի ազդանշան տալ հյուրանոցի անվտանգության ծառայությանը: