Պահեստազորի սպաներն ու ենթասպաները կապահովվեն աշխատանքով

Այսօր Արցախի նախագահ Բակո Սահակյանը պաշտպանության նախարարությունում հանդիպում է ունեցել պահեստազորի մի խումբ սպաների եւ ենթասպաների հետ. հայտնում են նախագահի աշխատակազմի տեղեկատվության գլխավոր վարչությունից:

Երկրի ղեկավարը նշել է, որ պահեստազորի զինծառայողներին աշխատանքով ապահովելը հանրապետության առջեւ ծառացած կարեւոր խնդիրներից մեկն է, որն ունի սոցիալական, քաղաքական եւ բարոյական նշանակություն:

Բակո Սահակյանն ընդգծել է, որ մեր հանրապետության տնտեսության բոլոր ճյուղերում կա նախկին սպաների մասնագիտական փորձի ու գիտելիքների պահանջ: Այս ուղղությամբ նա կոնկրետ հանձնարարականներ է տվել շահագրգիռ մարմինների ղեկավարներին:

Հանդիպմանը մասնակցել են փոխվարչապետ, ֆինանսների նախարար Սպարտակ Թեւոսյանը, պաշտպանության նախարար Մովսես Հակոբյանը, շրջվարչակազմերի ղեկավարները, պաշտոնատար այլ անձինք: