Եգիպտոսում նոր բուրգեր են հայտնաբերվել

Արբանյակից կատարված լուսանկարների օգնությամբ ամերիկյան մի խումբ գիտնականներ հայտնաբերել են նախկինում անհայտ 17 եգիպտական բուրգեր։

Հնագետներն արդեն սկսել են աշխատանքները նշված վայրերում։ Նախնական տվյալներով՝ արդեն հաստատվել է 2 անհայտ բուրգի առկայությունը. տեղեկացնում են եգիպտական լրատվամիջոցները։

Հին եգիպտացիներն իրենց շինությունները կառուցել են կավե աղյուսներից, որոնք սովորական գրունտից ավելի ամուր են: Հենց այդ պատճառով լուսանկարներում հստակ ուրվագծվել են բնակելի տները, տաճարները եւ դամբարանները: Ի դեպ, տիեզերքից Եգիպտոսի տարածքի լուսանկարահանումների շնորհիվ հայտնաբերվել են ավելի քան 1000 դամբարան եւ 3 հազար հին բնակավայրեր։