Վրաստանում արգելվում են ֆաշիստական եւ խորհրդային խորհրդանիշերը

Այսօր Վրաստանի խորհրդարանն ընդունել է «Ազատության խարտիան», ըստ որի` ստեղծվելու է պետական հանձնաժողով խորհրդային հատուկ ծառայությունների նախկին աշխատակիցների գրանցման համար:

Նախկին բարձրաստիճան կուսաշխատողները իրավունք չեն ունենալու զբաղեցնել պատասխանատու պաշտոններ: Բացի այդ` կփոխվեն բնակավայրերի` խորհրդային անցյալի հետ կապ ունեցող անունները: Արգելվում են նաեւ ֆաշիստական եւ խորհրդային խորհրդանիշերը:

Պետական շահերի պաշտպանության նպատակով խարտիան նախատեսում է ռազմավարական օբյեկտների, ռազմավարական նշանակության բեռների մոնիտորինգ, կասկածելի ֆինանսական գործարքների վերահսկողություն. տեղեկացնում է mignews.com-ը: