Բաքուն խաղեր է տալիս

Մոտ ժամանակներս Բաքվի եւ Մոսկվայի միջեւ բանակցություններ կսկսվեն 2012 թվականին Գաբալայի ռադիոտեղորոշիչ կայանի վարձակալման վերաբերյալ. տեղեկացնում է ադրբեջանական APA գործակալությունը:

Ադրբեջանը ծրագրում է ավելացնել վարձավճարը, Ռուսաստանից լրացուցիչ օգնություն պահանջել` կայանի էկոլոգիական ազդեցությունը վերացնելու համար: Բաքուն նաեւ առաջարկելու է  կայանը համատեղ օգտագործել, նաեւ այլ պետությունների տրամադրել կայանից ստացված տվյալները:

Գաբալայի կայանը շահագործման է հանձնվել 1985-ին, այն ԽՍՀՄ հակահրթիռային համալիրի 8 կայաններից մեկն էր: Կայանը հնարավորություն է տալիս վերահսկելու 6000 կմ տարածք: Այսօր կայանի վարձավճարը տարեկան 7 մլն դոլար է: