Եգիպտոսի քրիստոնյաներն իրենց ապահով չեն զգում

Եգիպտոսի քրիստոնյաները պահանջում են խստացնել իրենց անվտանգությանն ուղղված միջոցառումներն այն բանից հետո, երբ Ալեքսանդրիայում եւ Կահիրեում հակաքրիստոնեական ցույցեր եւ սպանություններ եղան:

Արաբական պետությունների լիգայի առաջնորդ Ամր Մուսան, իրավիճակը ճգնաժամային համարելով, կոչ է արել Եգիպտոսի կառավարությանը եւ Գերագույն ռազմական խորհրդին` համալսարանական գիտնականների, մտավորականների մասնակցությամբ համաժողով հրավիրել` ստեղծված ճգնաժամից ելք գտնելու համար:

Հիշեցնենք, որ մայիսի 8-ին Կահիրեում պարեկային ժամ է մտցվել, քանի որ մահմեդականների եւ ղպտիների բախումների հետեւանքով զոհվել էր 12 մարդ, 230-ը վիրավորվել էին, հրդեհվել էր ղպտիական եկեղեցի եւ մի քանի բնակելի տներ: