Ռոնալդու. Կարծես նրան սպանել են

Չեմպիոնների լիգայի` «Բարսելոնայի» հետ կայացած խաղից հետո «Ռեալի» գերաստղ Քրիշտիանու Ռոնալդուն հայտարարել է, որ  իր թիմը մրցավարների սխալ որոշումների զոհ է դարձել:

«Մենք ժամանել էինք այս հանդիպմանը, քանի որ հարգանքով ենք վերաբերվում  մրցակցին: Հաջորդ մրցաշրջանում գավաթը միանգամից կարող են տալ կապտանռագույններին: Շատ ավելի լավ կլիներ, եթե մենք չգայինք այս հանդիպմանը: Ինչ վերաբերում է Իգուաինի մաքուր գոլին, ապա ես գիտեի, որ նման բան կարելի է սպասել մրցավարից: Նշեմ նաև, որ Անգլիայում Մասկերանոն երբեք այդպես չէր ընկնում, իսկ այստեղ այնպես է դա անում, կարծես նրան սպանել են»,- հայտարարել է Ռոնալդուն: