ԱԶԳ. Անվճար բուժծառայություններ` մայիսի 9-ին ընդառաջ

«Երեւան» բժշկական կենտրոնը մայիսի 1-ից կանցկացնի ակցիա, որի շրջանակներում զոհված ազատամարտիկների ընտանիքների անդամներին մատուցվելու են անվճար բժշկական ծառայություններ:

Ակցիան անցկացվում է մայիսի 9-ին ընդառաջ, սակայն անվճար ծառայություններից օգտվելու համար հարկավոր է նախապես հերթագրվել: Բժշկական կենտրոնի բուժգծով փոխտնօրեն Բամինե Բաղրամյանը «Արմենպրեսին» տեղեկացրել է, որ 60 հոգի արդեն հերթագրվել են:

Ըստ կենտրոնի փոխտնօրենի` հերթագրված մարդկանց թվի առումով չկան սահմանափակումներ. «Որքան մարդ գրանցվի, այնքանին էլ կմատուցենք բուժծառայություն»:

«Երեւան» բժշկական կենտրոնն արդեն 3-րդ տարին իրականացնում է նման ակցիա: Միայն նախորդ տարի կենտրոնի բուժծառայություններից անվճար օգտվել են զոհված ազատամարտիկների ընտանիքների 300 անդամներ: