ԱՄՆ-ը Լիբիայի ընդդիմությանը 25 մլն դոլար է տրամադրում

Լիբիայի ընդդիմությունը ԱՄՆ-ից 25 մլն դոլարի օգնություն է ստանալու: Այդ մասին հուշագիրը երեկ ստորագրել է ԱՄՆ նախագահ Բարաք Օբաման:

Նախագահը նշել է, որ այդ քայլը պայմանավորված է «չնախատեսված արտակարգ իրադրությամբ»: «Ես հանձնարարեցի 25 մլն դոլարի վարկ տրամադրել ԱՄՆ կառավարական գերատեսչությունների պահուստներից` Լիբիայի Անցումային ազգային խորհրդին աջակցելու համար»,- հայտարարել է նա:

Նախագահն ընդգծել է, որ խոսքը խաղաղ բնակչությանը հարձակումներից պաշտպանելու մասին է:

Օբաման հրահանգել է պետքարտուղար Քլինթոնին այդ մասին տեղեկացնել Կոնգրեսին, նաեւ զբաղվել գումարը դուրս գրելու հետ կապված գործողությունների համակարգմամբ: