ԱՌԱՎՈՏ. Օմբուդսմենը ՀԱԿ-ին ճիշտ չի հասկացել

Երեկ ՀՀ Մարդու իրավունքների պաշտպան Կարեն Անդրեասյանը հանդես է եկել ՀԱԿ-ի եւ խորհրդարանական իշխող կոալիցիայի միջեւ երկխոսության միջնորդ դառնալու առաջարկությամբ:

Երեկ ՀԱԿ-ը պաշտոնապես արձագանքել է օմբուդսմենի առաջարկին` հայտարարելով. «Առաջին. մարդու իրավունքների պաշտպանը սխալ է հասկացել երկխոսության իմաստը, քանի որ խոսքը վերաբերում է ոչ թե Կոնգրեսի եւ խորհրդարանական կոալիցիայի, այլ Կոնգրեսի եւ գործադիր իշխանության միջեւ կայանալիք երկխոսությանը: Երկրորդ` իշխանության եւ Կոնգրեսի միջեւ ուղղակի երկխոսության ձեւաչափում ո'չ ներքին, ո'չ արտաքին միջնորդի կարիք չկա: Երրորդ` իսկ եթե իշխանությունը նպատակահարմար համարի բանակցությունների ընթացքում իր պատվիրակության կազմում ընդգրկել Մարդու իրավունքների պաշտպանին, մենք խնդիր չունենք»: