Ջահերով երթը

«Այս տարի պաշտոնապես առաջին անգամ ջահերով երթին կմասնակցեն նաև Հայաստանում բնակվող ազգային փոքրամասնությունները»,- լրագրողների հետ հանդիպմանն ասաց ՀՅԴ Հայաստանի երիտասարդական միության ներկայացուցիչ Արթուր Ղազարյանը:

Ամենամյա ջահերով երթը կմեկնարկի այսօր` ժամը 20:00-ին` Ֆրանսիայի հրապարակից: Նախքան երթի մեկնարկը` ժամը 19:00-ին, Ազատության հրապարակում ՀՅԴ ներկայացուցիչները հանդես կգան ելույթներով: ՀՀ շուրջ 13 քաղաքներում նույնպես կկազմակերպվեն երթեր:

Ինչպես տեղեկացրեց Ա. Ղազարյանը, իրենք կոչ են անելու ՀՀ իշխանություններին` «գերեզմանել հայ-թուրքական արձանագրությունները»:

«Հայ երիտասարդությունը ամենամյա երթից քաղում է դասեր` նպատակ ունենալով կերտել միացյալ Հայաստան: Ամեն տարի անձրև է տեղում այդ օրը, ինչն ամենեւին էլ չի ազդում երթի մասնակիցների քանակի վրա»,- ասաց Ա. Ղազարյանը: