Լիբիայի կառավարությունը պատրաստ է արտահերթ ընտրությունների, եթե...

Լիբիայի կառավարությունը պատրաստ է արտահերթ ընտրությունների, եթե արեւմտյան ռազմաօդային ուժերը դադարեցնեն օդային հարձակումները. BBC-ին ասել է Լիբիական Ջամահիրիայի արտգործնախարար Աբդուլահ Աթի ալ Օբեյդին:

«Եթե ռմբակոծումները դադարեցվեն, ապա մոտակա վեց ամիսների ընթացքում երկրում հնարավոր է անցկացնել համընդհանուր ընտրություններ` ՄԱԿ-ի դիտորդների մասնակցությամբ»,- ասել է Օբեյդին:

Ինչ վերաբերում է Քադաֆիին, որի հրաժարականն են պահանջում հակակառավարական ուժերը, ըստ նախարարի, հարկավոր է քննարկում կամ հանրաքվե: Հնարավոր է նաեւ այն տարբերակի քննարկումը, թե ինչ դեր կարող է ունենալ Քադաֆին նոր կառավարությունում: