ԺԱՄԱՆԱԿ. Սաքունցի առջեւ ՔԿՀ դռները բացվեցին

Քրեակատարողական հիմնարկներում հասարակական-դիտորդական խմբի ղեկավար, իրավապաշտպան Արթուր Սաքունցին, օրենքի խախտմամբ, երեկ թույլ չէին տվել մտնել «Արթիկ» ՔԿՀ` առանց որեւէ հիմնավոր պատճառաբանության:

Իրավապաշտպանը երեկ թերթի հետ հեռախոսազրույցում տեղեկացրեց, որ չի լքի ՔԿՀ-ի մատույցներն այնքան ժամանակ, քանի դեռ չի իրականացրել ՀԴԱ մանդատով տրված իր գործառույթը:

Տեղեկությունն ստանալուց հետո երեկ «Արթիկ» ՔԿՀ էր ուղեւորվել լրագրողական խումբը: Ուշ երեկոյան, երբ լրագրողները հասել էին ՔԿՀ, իրավապաշտպան Սաքունցին արդեն ներս էին թողել Նիկոլ Փաշինյանի մոտ: Այսինքն` տեղեկանալով Երեւանից լրագրողական խմբի ժամանման մասին` ՔԿՀ աշխատակիցներն անմիջապես հարթել էին խնդիրը: