Պատվի գործ

Մեկ ժամ առաջ Օշականում հանդիսավորությամբ բացվել է 1827 թվականին` ռուս-պարսկական պատերազմի ժամանակ, Էջմիածինը փրկած ռուս զինվորներին նվիրված` վերականգնված հուշարձանը:

Միջոցառմանը ներկա են եղել ՌԴ նախագահի աշխատակազմի ղեկավար Սերգեյ Նարիշկինը, ՀՀ նախագահի աշխատակազմի ղեկավար Կարեն Կարապետյանը, երկու երկրների պաշտոնական անձինք:

Ռուսաստանի ժողովրդի անունից Սերգեյ Նարիշկինը շնորհակալական խոսք է ուղղել հայ ժողովրդին ընդհանուր պատմությանը ակնածանքով ու խնամքով վերաբերվելու համար:

Ի դեպ, առավոտից Օշական են եկել եւ հուշարձանին ծաղիկներ են դրել Էջմիածնի ու հարակից գյուղերի հարյուրավոր բնակիչներ:

Օշականի հուշարձանը վերանորոգվել է Հայաստանում Ռուսաստանի դեսպան Վյաչեսլավ Կովալենկոյի նախաձեռնությամբ: Աշխատանքներն իրականացրել է «Պատվի գործ» հայ-ռուսական բարեգործական կազմակերպությունը: