"Թալիբան"-ին թույլ կտան ներկայացուցչություն բացել Թուրքիայում

Թուրքիայի արտգործնախարար Ահմեդ Դավութօղլուն հայտարարել է, որ, հանուն Աֆղանստանի խաղաղության, իրենք թույլ կտան «Թալիբան» շարժմանը  ներկայացուցչություն բացել Ստամբուլում, եթե, իհարկե, Աֆղանստանի իշխանությունները դեմ չլինեն։

Ըստ թուրքական լրատվամիջոցների` այդ նախաձեռնությունը հաստատել է նաեւ Թուրքիայի վարչապետի գլխավոր խորհրդական Իբրահիմ Քալըն, սակայն Աֆղանստանի նախկին արտգործնախարար Աբդուլլահը դեմ է արտահայտվել՝ պնդելով, որ այդպիսով ահաբեկչական կառույցը կօրինականացվի։

Թուրքական մամուլում նշում են, որ նախաձեռնությանը աջակցում է ԱՄՆ-ը, որի նպատակը Աֆղանստանում «Թալիբան»-ի հետ բախումներին վերջ տալն է։