Հրանուշ-Թամարա հակամարտությունը թեժանում է

2009 թվականից Հրանուշ Հակոբյանի` հոգաբարձուների խորհրդի անդամ դառնալը եւ հոգաբարձուների խորհրդի նախագահ լինելը հակասում է ՀՀ կառավարության որոշմամբ հաստատված հիմնադրամի կանոնադրությանը. հիմնադրամի պաշտոնական կազմում Սփյուռքի նախարարությունը չկա. այսօր լրագրողների հետ հանդիպման ժամանակ հայտարարեց «Մեկ ազգ, մեկ մշակույթ» հիմնադրամի գործադիր տնօրեն Թամարա Պողոսյանը:

Նրա հավաստմամբ` հենց այս դրանից էլ կծկվել է մի շարք այլ խախտումների կծիկը:

ԵՐԿԻՐ-ի հարցին, թե արդյոք այն ժամանակ` 2009-ին,  տիկին Պողոսյանը որեւէ քայլ չի՞ ձեռնարկել այդ խախտման դեմ, վերջինս պատասխանեց. «Հրանուշ Հակոբյանն ինձ ասաց, թե արի 1 տարի աշխատենք, հետո փոփոխություններ կանենք»:

Մի շարք հարցերի պատասխաններ ստանալու համար Պողոսյանը երկու անգամ ընդունելություն է խնդրել ՀՀ նախագահից, սակայն մինչ օրս պատասխան չի ստացել:

Ինչ վերաբերում է հավելավճարների «պատմությանը», Թ. Պողոսյանը հերքեց այն: