YouTube-ը կմրցակցի հեռուստատեսության հետ

Շուտով Google-ը կունենա իր օնլայն հեռուստաընկերությունը` YouTube-ը դարձնելով մալուխային հեռուստատեսության մրցակիցը: Ինչպես հաղորդում է  The Wall Street Journal-ը` Google-ը, որին էլ պատկանում է տեսանյութերի ամենահայտնի պորտալը, նախատեսում է առաջիկայում որոշակի փոփոխություններ կատարել YouTube-ի գործառույթներում եւ մի շարք հեռուստալիքներ հեռարձակելու հնարավորություններ ստեղծել:

Ենթադրվում է, որ այդպիսով YouTube-ի այցելուների թիվը կմեծանա, նաեւ այցելուները ավելի շատ ժամանակ կանցկացնեն կայքում:

Google-ը, նախնական տվյալներով, ստեղծելու է 20 հեռուստաալիք` սպորտային, մշակութային, քաղաքական-տնտեսական եւ այլն:

Օնլայն հեռարձակումը օրական մի քանի ժամ է լինելու: Իսկ հաղորդումները պատրաստելու են հեռուստատեսային մասնագետները: Սպասվում է, որ նոր  ալիքների եթերում հաճախ կօգտագործվեն YouTube-ում արդեն շրջանառվող տեսահոլովակները:

Google-ը պատրաստվում է այդ հաղորդումների ստեղծման համար ծախսել մոտ 100 մլն դոլար: