Հրաժարվել են հավատարմության երդում տալ Սարկոզիի հայացքի ներքո

Ֆրանսիայի հյուսիսում գտնվող Բուվեն քաղաքում երկրի նախագահ Սարկոզիի նկարը հանել են քաղաքապետարանի հարսանյաց հանդիսությունների սրահից:

Քաղաքապետն ընդառաջել է իր քաղաքացիների պահանջին, քանի որ 3 հարսանեկան զույգեր հրաժարվել են միմյանց հավատարմության երդում տալ Սարկոզիի հայացքի ներքո. տեղեկացնում է «Ֆրանս պրես» գործակալությունը:

Հիմա երկրի նախագահի նկարը կախված է միջանցքում` հանդիսությունների սրահի մուտքի մոտ:

Քաղաքապետը հայտարարել է, որ միջանցքն էլ պակաս պատվավոր տեղ չէ, ինչպես ցանկացած տեղ քաղաքապետարանում, եւ երկրի նախագահի նկարը միջանցքում կախելը հարկավոր չէ նրա հասցեին վիրավորանք կամ սադրանք համարել:

Նիկոլա Սարկոզիի հեղինակությունը ներկայումս ամենացածր մակարդակի վրա է, մասնավորապես` Լիբիայի դեմ գործողություններում ակտիվություն ցուցաբերելու համար: Հարցումների համաձայն` նրան պաշտպանում է ֆրանսիացիների ընդամենը 23 տոկոսը: