Դեռ չգիտեն ինչպես, բայց հաստատ մասնակցելու են

Արմենական-ռամկավար ազատական կուսակցությունը նոր գրասենյակ է բացել Լոռու մարզկենտրոնում:

Այդ առիթով Վանաձորում են ժամանել կուսակցության ատենապետ, «ԱԶԳ» օրաթերթի գլխավոր խմբագիր Հակոբ Ավետիքյանը, կուսակցության ԱՄՆ եւ Ֆրանսիայի կառույցների ատենապետեր Բաբկեն Մկրյանը եւ Վարուժան Սիրապյանը:

Նույն օրը գումարված նիստում ձևավորվել է 9 հոգուց ընտրված վարչություն:

«Այն, ինչ անվանել են բարոյական կապիտալ, մենք ունենք, մնում է` այդ ամենը վերածել կազմակերպչական կապիտալի»,- ասել է Հ. Ավետիքյանը:

Ըստ նրա` կուսակցությունն անպայման մասնակցելու է խորհրդարանական առաջիկա ընտրություններին, բայց դա առանձի՞ն մասնակցություն կլինի, թե՞ կոալիցոն դաշինք, դեռ պարզ չէ.«Եթե կուսակցություն է, ուրեմն պետք է ձգտի իշխանության, գոնե իր մասով պատասխանատվություն վերցնի պետության կառավարման մեջ: Իսկ Ազգային ժողովի ընտրություններին` չգիտենք ինչպես, բայց մասնակցելու ենք: Այժմ ակտիվ բանակցությունների շրջան է»: