ՀՐԱՊԱՐԱԿ. Շարունակում են լռել

Մտավորականների նախաձեռնած «Լռության ուխտ» ակցիան շարունակվում է:

Ազատության հրապարակում 5 ժամանոց նստացույց-բողոքին մասնակցելու ցանկություն են հայտնում նաև քաղաքացիները: Այս մասին տեղեկացնում է «Ժառանգություն» կուսակցության քաղխորհրդի անդամ Կարինե Հակոբյանը: Ըստ նրա` վերջին երկու օրերին Ազատության հրապարակի բողոքավորները եղել են ազատամարտիկներ, ուսուցիչներ և սովորական քաղաքացիներ: Իսկ այսօր բողոքի ակցիային մասնակցելու են օտարալեզու դպրոցների դեմ բողոքի ձայն բարձրացրած կազմակերպություններից մի քանիսը:

Չնայած արդեն մեկ շաբաթ է, ինչ ակցիան շարունակվում է, սակայն, քաղաքացիներից բացի, որևէ պաշտոնյա չի այցելել ակցիայի մասնակիցներին:

Այդուամենայնիվ, ըստ Հակոբյանի, այն դեռևս շարունակվելու է, ավելին` մասնակիցները մտածում են բողոքի նոր` «ավելի ազդեցիկ ձևեր ընտրել», ինչն առաջիկայում կտեսնենք: