Հայկական գարեջուր արտադրողներին չէին հիշել

Ապրիլի 5-ին «Քարլսբերգ» գարեջուր արտադրող ընկերությունների տնօրինությունը Կոպենհագենում հավաքել էր աշխարհի գարեջուր արտադրողներին եւ լրատվամիջոցների ներկայացուցիչներին` ներկայացնելու իր արտադրանքը, միաժամանակ հայտարարելու 2011 թվականի գովազդային արշավի մասին:

«Քարլսբերգ»-ի հարկի տակ անցկացված միջոցառմանը չէին հրավիրվել հայկական գարեջուր արտադրողները, թեեւ տեղական արտադրողները ամեն հարմար առիթով հիշեցնում են, որ իրենց արտադրանքին ծանոթ են նաեւ եվրոպական երկրներում:

Ընկերությունը հայտնի է նաեւ սպորտի եւ մշակութային ոլորտներում իր հովանավորչությամբ: Դանիայի կառավարությունը Ազգային պատմության թանգարանը տրամադրել է ընկերությանը, որն ամեն ինչ անում է այն հավուր պատշաճի այցելուներին ներկայացնելու համար: Թանգարանում ցուցադրվում են ինչպես վիկինգների, այնպես էլ Հին Հռոմի, Հունաստանի, Բյուզանդիայի եւ Եգիպտոսի պատմամշակույթային հազվագյուտ նմուշներ:

Գ. ՆԱՆՅԱՆ

Լուսանկարը` հեղինակի