Կա ընդդիմություն եւ ընդդիմության ընդդիմությո՞ւն

Հայաստանում ներքաղաքական դաշտն արդեն հստակեցված է. կա իշխանություն, ընդդիմություն` ի դեմս ՀԱԿ-ի, եւ ՀԱԿ-ին ընդդիմացող քաղաքական եւ հասարակական այլ միավորումներ այսօր լրագրողների հետ հանդիպման ժամանակ ասաց ՀԱԿ ներկայացուցիչ Դավիթ Շահնազարյանը:

Նա հստակացրեց` ասելով, թե ՀԱԿ-ի ընդդիմադիր ուժերը Դաշնակցությունն ու «Ժառանգությունն» են, որոնց այդ քայլը բանախոսը որակեց  որպես «կամուրջների այրել ՀԱԿ-ի հետ», ինչը, ըստ նրա, քաղաքականապես ճիշտ քայլ չէ:

«Որոշումն իրենցն է, ուղղակի այդ գործելակերպը կտանի մարգինալացման, կտանի նրան, որ այդ ուժերը կհայտնվեն քաղաքական արխիվում կամ իշխանության դաշտում ամբողջապես»,- ասաց Դ. Շահնազարյանը: