Հիմա էլ գույքը դրվեց կալանքի տակ

Այսօր ՀՀ ԱՆ ԴԱՀԿ ծառայության Երեւանի Կենտրոն եւ Նորք-Մարաշ բաժնից «Երկիրի» խմբագրությունը նամակ է ստացել, որով տեղեկացնում են, թե ավագ հարկադիր կատարող Արմեն Մակյանը, ուսումնասիրելով ԱԺ պատգամավոր Տիգրան Արզաքանցյանի ներկայացուցիչ Վահե Հովսեփյանի դիմումը, պարզել է, որ Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի կողմից տրված կատարողական թերթի համաձայն` «պետք է հայցագնի` 3.568.000 ՀՀ դրամ գումարի չափով արգելանք դնել» խմբագրության գույքի վրա, բացառությամբ դրամական միջոցների:

Դրանից ելնելով էլ` գույքի նկատմամբ հայտարարվել է հետախուզում:

Փաստորեն, խմբագրությանը արգելվելու է տնօրինել եւ օտարել արգելադրված գույքը: Իհարկե, կարող ենք բողոքարկել` որոշումը ստանալուց օրվանից 10 օրվա ընթացքում, բայց իմաստ ունի՞:

Փոխարենը մեր «օրինապաշտ» ՀՀԿ-ական պատգամավորը շարունակում է չմասնակցել ԱԺ նիստերին, շրջում է երկրից երկիր եւ իր ցուցմունքներով ու հանձնարարականներով նպաստում է երկրում խոսքի ազատության կայացմանը եւ, ամենակարեւորը, հզոր Հայաստանի կերտմանը:

Իրոք, ճիշտ էր ասված` «Առաջ, Հայաստան»...