Մոսկվան այլեւս ՌԴ ամենաթանկ քաղաքը չէ

Ռուսաստանի մասշտաբով` Չուկոտկայի Ինքնավար Մարզում կյանքն ամենաթանկն է, իսկ ամենաէժանը` Սարատովյան շրջանում է. գրում է BBC-ին` հղում անելով ՌԴ վիճակագրական պետական ծառայության հետազոտությանը:

Սրանից հետեւություն է արվում, որ Մոսկվայում կյանքն ընդամենը 1.3-ով է թանկ երկրի միջին ցուցանիշից: Իսկ Պետերբուրգում եւ Մոսկվայում գները գրեթե նույնն են: 

Կյանքի արժեքի ցուցանիշը հաշվարկվել է առաջին անհրաժեշտության ապրանքների եւ ծառայությունների գների հիման վրա: Հետազոտությունը կատարվել է առաջին անգամ` Ռուսաստանի տարբեր շրջաններում: Վիճակագրական ծառայությունը խոստանում է այն ամեն տարի անցկացնել

Փորձագետները համարում են, որ Ռուսաստանում կյանքի արժեքի ցուցանիշը, ընդհանուր առմամբ, արտացոլում է իրականությունը, թեեւ մի շարք կարեւոր հանգամանքներ հաշվի չեն առնվել: