Այսօր Խորեն Աբրահամյանի ծննդյան օրն է

1930թ. ապրիլի 1-ին ծնվել է ՀԽՍՀ ժողովրդական դերասան եւ ռեժիսոր Խորեն Աբրահամյանը:

Օրերս կայացած «Արտավազդ» մրցանակաբաշխությունը նվիրված էր Խ. Աբրահամյանի 80-ամյակին:

Դերասանը ծնվել է Երեւանում: Մասնագիտական կրթությունը ստացել է Երեւանի թատերական ինստիտուտում, որի դերասանական բաժինն ավարտել է 1951թ. եւ ընդունվել Գ. Սունդուկյանի դրամատիկական թատրոն:

Աբրահամյանի ամենահայտնի դերակատարումներից են Ռուստամը (Շիրվանզադեի «Նամուս», 1955), Ալեքսանդրը (Փափազյանի «Ժայռ», 1957), Դրագադանօղլու (Յավորովի «Վիտոշի փեշերին», 1966) եւ այլն:

Կինոյում նկարահանվել է Արսենի («Առաջին սիրո երգը», 1958), Գեւորգի («Սարոյան եղբայրներ», 1968, ՀՍՍՀ պետական մրցանակ), Պավլեի («Մենք ենք մեր սարերը», 1969) եւ այլ դերերում: