Օգնում ենք հոդացավով տառապող երեխաներին

«Երեխաներին մաշում է հոդացավը» հոդվածը, որ տպագրվել էր մարտի 24-ին «Երկիր»-ի 51-րդ համարում, բավական մեծ արձագանքներ ունեցավ:

Ընթերցողներից Նշան Աբասյանը առաջարկեց առցանց` սոցիալական ցանցերի միջոցով, դրամահավաք կազմակերպել եւ օգնել Ոսկեվան գյուղում ապրող 6-ամյա եւ 7-ամյա տղաներին, ովքեր տառապում են հոդացավով:

Հիվանդության պատճառով երեխաների մոտ առաջ են եկել սրտի եւ նյարդային համակարգի հետ կապված լուրջ խնդիրներ: Իսկ բուժման համար Երեւան հասնելու եւ այստեղ որոշ ժամանակ ապրելու համար գումար է պետք: Նյութն ամբողջությամբ կարող եք կարդալ այստեղ: 

Ժամեր առաջ սկսվել է դրամահավաքը, եւ արդեն արձագանքողներ կան: Մարդիկ, ովքեր ցանկանում են օգնել երեխաներին եւ նրանց մորը` Գայանեին, ով միայնակ է հոգում բազմանդամ ընտանիքի հոգսը, կարող են զանգահարել (095) 624-687 եւ (091) 599-842 հեռախոսահամարներով: