Լիբիայում խաղաղ բնակիչներ են զոհվում

Լիբիայի իշխանությունները հայտարարել են 18 խաղաղ բնակչի մահվան մասին, ովքեր զոհվել են կոալիցիայի կողմից Տրիպոլին ռմբակոծելու հետեւանքով. հաղորդում է Reuters-ը:

«Նրանք խաղաղ բնակիչներ են: Նրանք ոչ մի մեղք չունեն»,- լրագրողներին ասել է դիահերձարանի աշխատակիցը :

Լիբիայի իշխանության ներկայացուցիչները հաճախ էին հայտարարում տասնյակ զոհերի մասին, սակայն ապացույցներ չէին ներկայացնում:

Իսկ ամերիկացի զինվորականները հերքում են այն լուրերը, թե օդային հարձակման հետեւանքով զոհվում են խաղաղ բնակիչներ: Մինչդեռ հսկայական վնասներ են հասցվում հենց քաղաքացիական շենքերին, այդ թվում`  Տրիպոլիի եւ Թաջուրայի հիվանդանոցներին: