Սիրիայում ԱՄՆ-ի ավիահարվածների հետևանքով խաղաղ բնակիչներ են զոհվել

 Սիրիական Հոմսի նահանգապետ Թալյալ ալ Բարազին հայտարարել է, որ ԱՄՆ-ի կողմից Շայրաթ ավիաբազային հասված հարվածների հետևանքով 5 մարդ է զոհվել`այդ թվում խաղաղ բնակիչներ, ևս 7 մարդ վիրավոր է. հայտնում է Взгляд-ը:

Ավելի վաղ «Ալ Արաբիա»-ն հայտնել էր, որ ԱՄՆ-ի ավիահարվածների հետևանքով Սիրիայի Զինված ուժերի 4 զինծառայող է զոհվել:

ԱՄՆ-ն երեկ թևավոր հրթիռներով հարվածել է Սիրիայի արևմտյան Հոմս նահանգում գտնվող կառավարական ուժերի ռազմաբազային:

ԱՄՆ նախագահ Դոնալդ Թրամփը հայտարարել է, որ դա բխում էր ԱՄՆ ազգային անվտանգության կենսական շահերից: Հարվածի թիրախը Շայրաթ ռազմաբազան էր, որտեղից, ամերիկյան իշխանությունների կարծիքով, իրականացվել են քիմիական հարձակումները: