Կփակի՞ Հայաստանն իր ատոմակայանը

Ադրբեջանը, Թուրքիան եւ Վրաստանը քննարկում են Հայաստանի ատոմակայանի ապագան:

Ճապոնիայի ավերիչ երկրաշարժից վնասված ատոմակայաններից ռադիոակտիվ նյութերի արտահոսքի հետեւանքով ստեղծված աղետալի իրադրությունը մտահոգության առիթ է տվել, եւ այդ երկրները համոզված են, որ Հայկական ԱԷԿ-ը սպառնում է տարածաշրջանի անվտանգությանը:

Ինչպես տեղեկացնում է The messenger online վրացական լրատվամիջոցը, Վրաստանի մտահոգությունն այն է, որ Հայաստանը գտնվում է ակտիվ սեյսմիկ գոտում, իսկ ատոմակայանը Թբիլիսիից ընդամենը 175 կմ հեռավորության վրա է:

Լրատվամիջոցը նաեւ նշում է, որ Եվրամիությունը 200 միլիոն եվրո է առաջարկել Հայաստանին ատոմակայանը փակելու համար, սակայն Հայաստանը ոչ միայն չի փակում այն, այլեւ մտադիր է նորը կառուցել, ապա մտածել առաջինը փակելու մասին: