Պիկասոյի գլուխգործոցները` գողացված իրերի ցուցակում

Պիկասոյի վեց ստեղծագործությունները գրանցվել են  գողացված թանկարժեք գործերի ցուցակում: Իսպանիայի ոստիկանությունը հույս ունի հայտնաբերել դրանք եւ վերադարձնել տերերին:

Խոսքը վերաբերում է  Պիկասոյի` 1933 թվականին ստեղծած «Մեծ մեղքեր», «Նախանձ» եւ «Ագահություն»  շարքերի աշխատանքների մի մասին. բոլորն էլ արծաթյա շրջանակներով են:

Ցուցակում ընդգրկված են նաեւ ոսկյա զարդեր, ադամանդներ ու զմրուխտներ, մետաղադրամներ, շքանշաններ, հազվագյուտ հնագույն իրեր:

Ինչպես հաղորդում է «Թելեգրաֆը», Իսպանիայի ոստիկանությունը խրախուսում է մարդկանց, որպեսզի գողոնի վերաբերյալ որեւէ տեղեկություն ունենալու դեպքում դիմեն իրենց: