Արոնյանը հաղթեց աշխարհի չեմպիոնին

Մոնակոյում  ընթացող Amber-ի վերջին  մրցաշարի 8-րդ մրցափուլի կենտրոնական մրցավեճը Լևոն Արոնյանի և աշխարհի չեմպիոն Վիշվանաթան Անանդի դիմակայությունն էր: Հայ գրոսմայստերը մրցաշարի միանձնյա առաջատարն էր, իսկ Անանդն ընթանում էր 3-րդ հորիզոնականում:

Կույր շախմատում հաշտություն կնքեցին արդեն 19-րդ քայլին: Իսկ ահա արագ շախմատում Արոնյանին հաջողվեց միջնախաղում խճճել մրցակցի դիրքը, որից աշխարհի չեմպիոնն այդպես էլ ելք չգտավ և 59-րդ քայլում հայտնվեց ցայտնոտի մեջ:

Այսպիսով, Արոնյանը աշխարհի չեմպիոնին հաղթեց 1,5- 0,5 հաշվով և պահպանեց առաջատարի  դիրքը: Հայ գրոսմայստերը 16 հնարավորից վաստակել է 11, 5 միավոր:

Երկրորդ տեղում է Մագնուս Կառլսենը, ով իր ակտիվում ունի 11 միավոր: Նրանց են  հաջորդում Անանդը և Իվանչուկը` 8,5-ական միավորով: