Մարտի 19-ին սպասվելիք աղետները

«Ոչ մի վտանգավոր բան էլ չկա, ուղղակի մարդիկ, եթե ցանկանում են աղմուկ բարձրացնել, բարձրացնում են»,- ասաց Բյուրականի աստղադիտարանի տնօրեն Հայկ Հարությունյանը` մարտի 19-ին Լուսնի` Երկրի մակերեւույթին մոտ 4000 կմ մոտենալու կապակցությամբ:

Նշենք, որ մամուլում վերջերս տարածված էր մի վարկած, թե մի շարք գիտնականների հավաստմամբ, իրադարձությունը, որին աստղագետներն ու լուսանկարիչները սպասել են 19 տարի, աշխարհին բնական աղետներով է սպառնում:

«2034 թ. Լուսինն ավելի մոտ է լինելու Երկրին, հետո՞: Նման դեպք եղել է 1974-ին, 1992-ին, եւ սա բնական երեւույթ է, ոչ ոք ինչ-որ փոփոխություն չի զգալու»,- ասաց Հ. Հարությունյանը: