ԵՐԿԻՐ Խիստ է խոսել, բայց ցուցադրել են մեղմ մասը

Մարտի 11-ին նախագահ Սերժ Սարգսյանը հրավիրել էր խորհրդակցություն` տնտեսական քաղաքականության իրականացման առաջնահերթությունների թեմայով: Խորհրդակցությունը ցուցադրվեց հեռուստատեսությամբ, լայնորեն լուսաբանվեց մամուլում, տարածվեց ծավալուն հաղորդագրություն:

Սակայն, մեր աղբյուրների փոխանցմամբ, խորհրդակցությունը ամբողջական տարբերակը չի ցուցադրվել հեռուստաընկերություններով: Մինչեւ խորհրդակցության «պաշտոնական մեկնարկը», նախագահը բավական խիստ տոնով է խոսել տնտեսության ոլորտի պատասխանատու նախարարների հետ: Սերժ Սարգսյանը դժգոհել է, որ իրեն հաճախ սխալ են զեկուցում, ներկայացնում են, թե տնտեսության վիճակը շատ լավ է, իսկ իրականում` պատկերն այլ է:

Երեւի նախագահի հենց այս խոսքերից ազդված` նախարարները սկսել են շատ աշխատել։ Այս օրերին նախարարություններում աշխատանքը տեւում է մինչ ուշ գիշեր. այդ մասին փաստում են նախարարների աշխատասենյակների` «մշտավառ» լույսերը: