Օլիմպիադայի տոմսերը կվաճառվեն մարտի 15-ից

2012 թվականին Լոնդոնում կայանալիք ամառային օլիմպիական խաղերի տոմսերը ամբողջ աշխարհում կսկսեն վաճառվել սույն թվականի մարտի 15-ից: Մեծ Բրիտանիայի սահմաններից դուրս կվաճառվի 1 միլիոն տոմս: Տոմսերի արժեքը կկազմի 20,12 ֆունտից մինչև 2012 ֆունտ:

Կազմակերպիչների խոսքերով` տոմսերի 90%-ը 100 ֆունտից ցածր կարժենա: Օրինակ` թեթև աթլետիկայի մրցումների տոմսերի արժեքը կկազմի 20-150 ֆունտ, իսկ բասկետբոլի եզրափակիչի տոմսերը կարժենան 50-450 ֆունտ: Օլիմպիադայի փակման արարողության տոմսերի արժեքը կկազմի 20-1500 ֆունտ:

Կազմակերպիչները վաճառքի կհանեն 8,8 միլիոն տոմս, որոնցից միայն 75%-ը կվաճառվի, իսկ մնացածը 25%-ը (125 հազար տոմս) կբաժանեն դպրոցականներին: Այսպիսով, բրիտանացի աշակերտները դպրոցում իրենց ունեցած հաջողությունների դիմաց կպարգեւատրվեն օլիմպիական խաղերի անվճար տոմսով: