Դալգլիշը խոսել է պարտության մասին

«Լիվերպուլի» գլխավոր մարզիչ Քենի Դալգլիշը Եվրոպալիգայի 1/8 եզրափակիչի` «Բրագայի» հետ առաջին հանդիպումից հետո (0:1) դժգոհել է իր թիմի թույլ պաշտպանությունից: Մարզչի խոսքերով` միայն պատասխան հանդիպումը ցույց կտա իրական խնդիրները:

«Առաջին խաղակեսում մենք շատ վատ էինք խաղում: Երկրորդ խաղակեսում փոքր-ինչ կարողացանք շտկել իրավիճակը, բայց հանդիպման արդյունքն ուրախացնող չէր: Կնշեմ միայն, որ մեկ գնդակի տարբերությամբ պարտությունն այդքան էլ վատ չէ: Մյուս կողմից` հիմա դժվար է ասել, թե ինչպիսի վիճակում ենք հայտնվել` լավ, թե վատ: Այդ հարցի պատասխանը կստանանք պատասխան հանդիպման եզրափակիչ սուլոցից հետո: Մինչ հաջորդ հանդիպումը հարկավոր է ճիշտ հետևություններ անել և աշխատել սխալների վրա»,- գլխավոր մարզչի խոսքերն է մեջբերում sport-express-ը: