Հրմշտոց ցուցարարների, պատգամավորների եւ ոստիկանների միջեւ (ֆոտոռեպորտաժ)

Հանրապետության հրապարակում բորբոքված կրքերը հանդարտվել են միայն քիչ առաջ, իսկ մինչ այդ հրապարակը իսկական մարտադաշտի էր նման:

Կառավարության մոտ հավաքված` բացօթյա առեւտրով զբաղվողներին ոստիկանները նախ արգելել են կանգնել կառավարության շենքի առջեւ, ապա բռնի տեղափոխել են դիմացի մայթը:

Ցուցարարների հետ են եղել նաեւ «Ժառանգություն» խորհրդարանական խմբակցության պատգամավորներ Զարուհի Փոստանջյանը, Արմեն Մարտիրոսյանը եւ Անահիտ Բախշյանը:

Ոստիկանների եւ ցուցարարների միջեւ ծագած վեճն այնքան է հասունացել, որ վերածվել է իսկական ձեռնամարտի: Ոստիկանների հարվածներից տուժել է պատգամավոր Անահիտ Բախշյանը, ծեծի է ենթարկվել նաեւ Արմեն Մարտիրոսյանը:

Իսկ ՀԱԿ ակտիվիստ Վարդգես Գասպարին «լկտի արտահայտությունների» համար ոստիկանները բերման են ենթարկել:

«Ժառանգություն» խմբակցության ղեկավար Ստյոպա Սաֆարյանն այս պահին բարձրացել է ՀՀ վարչապետի աշխատակազմի ղեկավարի մոտ` պահանջելու ոստիկանապետի հրաժարականը: