Բախում` ոստիկանների եւ ցուցարարների միջեւ՝ ՀԾԿՀ-ի մոտ

Այս պահին Հանրային ծառայությունները կարգավարող հանձնաժողովի շենքի առջև ընթանում է ՀՅԴ երիտասարդների կազմակերպած բողոքի ակցիան:  Yerkir.am-ի լրագրողը հաղորդում է, որ ակցիայի մասնակիցները պահանջում են, որ դադարեցվի էլեկտրաէներգիայի սակագնի վերանայման վերաբերյալ նիստը, և հանձնաժողովի նախագահ Ռոբերտ Նազարյանն իջնի ու բացատրություն տա իրենց կատարված ապօրինությունների վերաբերյալ:

Ոստիկանները ցուցարարներին թույլ չէին տալիս մայթին ակցիա իրականացնել, այդ իսկ պատճառով վերջիններս ստիպված էին ակցիան շարունակել ճանապարհի երթևեկելի հատվածում, ինչին ոստիկանները ևս փորձում էին խոչընդոտել:

Քիչ առաջ բախում տեղի ունեցավ ոստիկանների և ցուցարարների միջև, որը հարթվեց: Այս պահին ցույցը հսկող ոստիկանները համալրվում են նոր ուժերով, իսկ ակցիայի մասնակիցները շարունակում են վանկարկել` «դադարեցրեք նիստը», «ամոթ»:

Նշենք, որ այս պահին ՀԾԿՀ-ում քննարկում են սակագնի հարցը: 

Տեսանյութը` քիչ անց: