Գաղտնի գովազդը թույլատրելի է

Բրիտանիայում, բացի BBC-ից, մյուս բոլոր հեռուստաընկերություններին այսուհետ թույլատրվում է նշել գովազդատուի կամ հաղորդումների հովանավորների անունները:

Հեռուստատեսային չափանիշերի փոփոխությունը կատարվել է Ofcom համազգային անկախ կառույցի կողմից, որը համակարգում է հեռուստառադիոեթերը: Ofcom-ի պահանջով ալիքը պետք է հեռուստադիտողին զգուշացնի տվյալ հաղորդման մեջ արվող գաղտնի գովազդի մասին` էկրանի անկյունում նշելով R տառը (այսինքն`product placement):

Խոսքն սննդամթերքի, համակարգիչների եւ այն կոմերցիոն ապրանքանիշերի մասին է, որոնց համար եթերը փակ է եղել մինչ այժմ: Այսպես կոչված` product placement-ն առաջին անգամ է կիրառվում բրիտանական պրակտիկայում:

Ինչպես հաղորդում է BBC-ն, փոփոխությունները  արդեն կիրառվում են փետրվարի 28-ից, երբ Nescafe-ի մեծ բաժակով եթեր է դուրս եկել ITV ալիքի առավոտյան հաղորդումը: