Նավթի գինն իջեցնելու նպատակով

Սաուդյան Արաբիան ավելացրել է նավթի արդյունահանումը: Նպատակը ածխաջրածինների գնի իջեցումն է:

Reuters գործակալությունը, վկայակոչելով անանուն աղբյուրներ, տեղեկացնում է, որ նախկինում թագավորությունում օրական արդյունահանվում էր մոտ 8,3 մլն բարել նավթ, ներկայումս` մոտ 9 մլն:

Փետրվարին` մերձավորարեւելյան իրադարձությունների ֆոնին, Brent եվրոպական մակնիշի նավթի գներն աճեցին մինչեւ 100 դոլար բարելի համար, իսկ փետրվարի վերջին` արդեն 119 դոլար, քանի որ Լիբիան, որը համաշխարհային շուկային նավթ տրամադրող խոշորագույն մատակարարներից է, քաղաքացիական պատերազմի վերաճած ժողովրդական ընդվզումների պատճառով կտրուկ կրճատել է նավթի արդյունահանումը: